ஊழியர்களின் வருங்கால வைப்பு நிதி அமைப்பு (EPFO) தற்போது அனைத்து தனியார் துறை ஊழியர்களுக்கும் ஓய்வூதிய பலன்களை வழங்கும் ஊழியர்களின் வருங்கால வைப்பு நிதி திட்டத்தை கண்காணித்து வருகிறது.EPF திட்டத்தில் சேரக்கூடிய ஒவ்வொரு EPFO உறுப்பினருக்கும் ஒரு உலகளாவிய ஒரு கணக்கு எண் அல்லது UAN, 12 இலக்க எண் ஒதுக்கப்படுகிறது. பாஸ்புக்கில் இருப்புத் தொகையைப் புதுப்பித்தல், முன்கூட்டியே பணம் எடுப்பது மற்றும் ஓய்வுக்குப் பிறகு கிடைக்கும் செட்டில்மென்ட் போன்ற அனைத்து EPF செயல்பாடுகளுக்கும் UAN இன்றியமையாததாகக் கருதப்படுகிறது. PF தொகை ஓய்வுக்குப் பிறகு கிடைக்கும் மதிப்புமிக்க சொத்தாக இருந்தாலும், வேலை செய்யாத ஆண்டுகளில் ஏற்படும் அனைத்து செலவுகளையும் ஈடுகட்ட போதுமானதாக இருக்காது. அதே நேரத்தில், உங்களின் EPF கணக்கு தானாக மூடப்பட்டு, உங்கள் சேமிப்பை திரும்பப் பெறுவதில் இருந்து தடை விதிக்கப்படலாம் என்பதையும் நீங்கள் அறிவீர்களா. ஏன் என்று இந்த பதிவில் பார்க்கலாம்.
உங்கள் பழைய நிறுவனம் மூடப்பட்டிருக்கலாம், உங்கள் EPF தொகையை புதிய நிறுவனக் கணக்கிற்கு மாற்றவில்லை அல்லது 36 மாதங்களுக்கு உங்கள் EPF கணக்கில் எந்தப் பரிவர்த்தனையும் செய்யவில்லை என்றால், 3 ஆண்டுகளுக்குப் பிறகு உங்கள் EPF கணக்கு தானாகவே மூடக்கப்படும். அதுமட்டுமின்றி உங்கள் பணத்தை எடுக்க பல்வேறு செயல்களைச் செய்ய வேண்டிய அவசியம் ஏற்படலாம், உங்கள் சேமிப்பை வங்கி KYC மூலம் திரும்பப் பெறலாம். குறிப்பாக, செயலற்றதாக இருக்கும் இந்தக் கணக்கில் நீங்கள் தொடர்ந்து வட்டியைப் பெறுவீர்கள். செயலற்ற PF கணக்கு தொடர்பான கோரிக்கையைத் தீர்ப்பதற்கு, தனிநபரின் முதலாளி உரிமைகோரலுக்கு ஒப்புதல் அளிக்க வேண்டும். இருப்பினும், பணியாளரின் நிறுவனம் மூடப்பட்டு, உரிமைகோரலை அங்கீகரிக்க யாரும் இல்லை என்றால், வங்கி KYC ஆவணங்களுடன் கோரிக்கையை அங்கீகரிக்கும்.
பின்வரும் KYC ஆவணங்கள் சரிபார்ப்புக்கு அவசியமானதாகக் கருதப்படுகிறது: பான் கார்டு, வாக்காளர் அட்டை, பாஸ்போர்ட், குடும்ப அட்டை, ESI அடையாள அட்டை மற்றும் ஓட்டுநர் உரிமம். கூடுதலாக, ஆதார் போன்ற அரசாங்கத்தால் வழங்கப்பட்ட அடையாள அட்டையையும் இதற்குப் பயன்படுத்தலாம். 50,000 ரூபாய்க்கு மேல் தொகை இருந்தால், உதவி வருங்கால வைப்பு நிதி ஆணையரின் ஒப்புதலுக்குப் பிறகு பணத்தை திரும்பப் பெறலாம் அல்லது மாற்றலாம். அதேபோல, ரூபாய்25,000க்கு அதிகமாகவும், ரூபாய் 50,000க்கு குறைவாகவும் இருந்தால், கணக்கு அலுவலர் நிதி பரிமாற்றம் அல்லது திரும்பப் பெறுவதற்கு அங்கீகாரம் அளிப்பார். 25,000 ரூபாய்க்கு குறைவாக இருந்தால், உதவியாளர் அங்கீகார செயல்முறையைச் செய்து கொடுப்பார்.
