புரட்சித்தலைவி அம்மா ஜெயலலிதாவின் பிறந்த நாளை முன்னிட்டு திருச்சி புறநகர் தெற்கு மாவட்டம் சார்பில் மாவட்டச் செயலாளர் ப.குமார் தலைமையில், திருவெறும்பூர் கணேசா ரவுண்டானாவில் அமைக்கப்பட்ட புரட்சித்தலைவி அம்மாவின் திருவுருவ மலர் தூவி மரியாதை செலுத்தினர்.
புரட்சித்தலைவி அம்மா ஜெயலலிதா பிறந்தநாளை அதிமுக நிர்வாகிகள் உலகம் முழுவதும் கொண்டாடி வருகின்றனர். அதன் ஒரு பகுதியாக திருச்சி திருவரம்பூர் கணேசா ரவுண்டானாவில் உள்ள எம்ஜிஆர் சிலை அருகில் அமைக்கப்பட்ட அம்மாவின் திருவுருவப்படத்திற்கு, முன்னாள் எம்.பி.யும் ,திருச்சி புறநகர் தெற்கு மாவட்ட செயலாளருமான ப.குமார் அம்மாவின் திரு உருவப்படத்திற்கு மாலை அணிவித்து மலர் தூவி மரியாதை செய்தார்.
இதனைத் தொடர்ந்து பொதுமக்களுக்கு இனிப்புகளை வழங்கினார். மேலும் அண்ணா தொழிற்சங்கத்தில் பொதுமக்களுக்கு அன்னதானம் வழங்கப்பட்டது. முன்னதாக எம்ஜிஆரின் திருவுருவ சிலைக்கு மாலை அணிவித்து மரியாதை செய்யப்பட்டது. இந்நிகழ்வில் திருவெறும்பூர் மற்றும் ஒன்றிய பேரூர் கழக நிர்வாகிகள் வட்டச் செயலாளர்கள், உள்ளிட்ட பலர் கலந்து கொண்டனர்.
