தமிழ்நாடு ஆளுநர் ஆர்.என்.ரவி தனது மனைவியுடன் இன்று திருச்சி ஸ்ரீரங்கம் ரெங்கநாதர் கோவிலுக்கு சாமி தரிசனம் செய்ய வருகை புரிந்தார். அவருக்கு அர்ச்சகர்கள் பூரண கும்ப மரியாதை அளித்தனர். அதனைத் தொடர்ந்து ஆளுநர் ரெங்கநாதர் சந்நிதி, தாயார் சன்னதிகளில் சாமி தரிசனம் செய்தார்.
அதன் பின்னர் தாயர் சன்னிதி அருகே உள்ள ஸ்ரீ மேட்டழகிய சிங்கர் சன்னதி படிக்கட்டுகளை தனது மனைவியுடன் நீர் கொண்டு கழுவி சுத்தம் செய்தார். அதன்பின்னர் செய்தியாளர்களுக்கு பேட்டியளித்த ஆளுநர்… நம்முடைய வாழ்க்கையில் கோவில்கள் மையமாக அமைந்துள்ளது. ஒரு கிராமம் உருவாவதற்கு முன்பாக அங்கு கோவில்கள் அமைக்கப்படும். அதனை மையப்படுத்தியே அந்த கிராமங்களின் வளர்ச்சி இருக்கும். அந்த வகையில் ஒரு ஈர்ப்பு விசையாக கோவில்கள் உள்ளது. காலனியாதிக்க காலத்தில் அது மழுங்கடிக்கப்பட்டது. தற்போது மீண்டும் நாடு ராமர் மயமாகி வருகிறது.
அயோத்தி ராமர் கோவில் கும்பாபிஷேகம் நடத்தப்படுவது நாடு முழுவதும் உள்ள மக்களிடம் மகிழ்ச்சியை ஏற்படுத்தி உள்ளது. என்றவர் காரணம் ராமபிரான் ஒவ்வொருவரின் இதயங்களிலும் வாழ்கிறார். கோயில்களை தூய்மையாக பராமரிப்பதில் கோயில் நிர்வாகத்திற்கு மட்டுமல்ல பக்தர்களுக்கும் பெரும்பங்கு உண்டு. தூய்மை பணிகளுக்கு பாரத பிரதமர் மோடி முக்கியத்துவம் அளித்து வருகிறார். கோயில் மட்டுமல்ல பொது இடங்களிலும், தனியார் இடங்களில் தூய்மை பேண வேண்டும் என்றார்.
பொதுவாக ஆளுநர் என்பவர் அரசு விழாக்களில் கலந்து கொள்வது அவையை தொடங்கிவைப்பது வி.ஐ.பிக்களுக்கு தேனீர் விருந்து அளிப்பது என்கின்ற லெவலிலேயே தங்களது காலத்தை ஓட்டிவிடுவார்கள் இந்நிலையில் பத்திரிக்கையாளர்களுக்கு பேட்டி கொடுப்பது இல்லை ஆனால் இவர் இந்தவிதத்திலும் திருச்சி மீடியாக்களின் மனதை கவர்ந்துவிட்டார். ஐபிஎஸ் அதிகாரி என்பதால் பிரதமர் வரவுள்ள நிலையில் இவர் ஒவ்வொரு கோவிலாக குறிப்பாக மோடி வர இருக்கும் கோவில்களுக்கு விசிட் அடித்து வருகிறார் என்பது குறிப்பிடத்தக்கது.
